E āhei mai ana koe ki te rēhita mehemea he uri koe nō Rangitāne, tipuna nei, ā, e whakapapa ana ki ngā hapū e rārangi iho nei:

·       Ngāti Hāmua ·       Ngāi Tūkoko ·       Ngāti Parakiore
·       Ngāi Tamahau ·       Ngāti Te Atawhā ·       Te Kapuārangi
·       Ngāti Te Raetea ·       Ngāti Te Whakamana ·       Ngāti Ruatōtara
·       Hinetearorangi ·       Ngāti Meroiti ·       Ngāti Rangitōtohu
·       Ngāti Mātangiuru ·       Ngāti Hinetauira ·       Ngāti Te Koro o Ngā Whenua
·       Ngāti Te Hina ·       Ngāti Tauiao ·       Ngāti Matetapu
·       Ngāti Te Whātui ·       Ngāti Moe ·       Ngāti Whakawehi
·       Ngāti Te Noti ·       Ngāti Te Rangiwhaka-ewa ·       Ngāi Tahu
·       Ngāti Tangatakau ·       Ngāti Mutuahi
·       Ngāti Taimahu ·       Ngāti Pakapaka

Hei āpiti atu ki ngā hapū e rārangi ake nei, tērā tonu ngā hononga whakapapa ki waenga i a Rangitāne me Te Hika o Pāpāuma. Nā runga i tēnei āhuatanga, me ngā moenga tāne, moenga wāhine, me te noho tata o tētahi me tētahi, kua hua mai ko tētahi hononga motuhake e hono tonu nei i tēnei rā. Heoi anō, ko ngā uri o Pāpāuma, tipuna nei, e whakapapa ana ki a Te Hika o Pāpāuma ka āhei mai ki te rēhita mai ki a Rangitāne Tū Mai Rā.

Hei te wā ka whakaotia te Pukapuka Whakataunga, me tino hāngai te rārangi o te hunga e whai pānga ana ki a Rangitāne Tū Mai Rā ki tērā o te hunga ka whai hua i te whakataunga. Ki roto i te Pukapuka Tarahiti, ka āhei a Rangitāne Tū Mai Rā ki te whakahou i ngā whakamārama kia hāngai ki te ērā i te Pukapuka Whakataunga. Mā konei, ka āhei katoa mai ngā uri ki te whai painga i a Rangitāne Tū Mai Rā.